衝口而出

　　黃子華一度講過，做人要「有果句講果句」，難如登天。不但政治上如此，人際上都如一。
　　但係，我而家就同你有果句講果句。
　　乜一份工－－技術上黎講只係一份暑期工－－真係可以將一個人改變得咁緊要？最初我聽到既係：「洗腦唔緊要，俾錢就免了」。而家到頭來，你咪又係俾人洗左腦兼俾埋錢報course。你出錢你事，與我無尤，但你俾人洗左腦之後，基本上我同你講乜都已經冇所謂了，因為你總可以將所有野同你做緊既工作扯上關係，講到天花龍鳳，捧到份工上天，講到尾又係想我入黎做，想我搵埋你果份。
　　……
　　「係呢間公司做真係學到野」，係學到野既你就明白「溝通」係雙向，而你而家做緊既「演說」純粹係單向；我一個月前就講左我唔會入黎你公司做，而你家陣仲sell緊我。
　　「我呀哥佢自從入左黎做之後就有種好特別既氣質」，你崇拜你呀哥係你事，與我何干？
　　「你鬧我我唔介意，我都俾人鬧慣」，係度俾悔氣說話我聽，繼續呀。
　　「OK，我錯」，此地無銀。
　　「我冇諗過你咁大反應」，其實我已經壓抑左好耐，已經成個月。
　　「你要咁諗，我都冇辦法」，變相就係將所有責任推晒係我身上。
　　「我真心對所有人」，係真心待人就唔好一日諗錢，問心，你唔係為錢既點會周圍打電話去「聯誼」呀，咪玩啦。
　　「我唔真心既話晨早升左職」，你真係認為自己有咁既能耐？
　　「我對得住天地對心」，再一次，與我何干？
　　……
　　其實你情況唔算嚴重，只係同飲醉左冇分別，永遠都唔覺得自己醉左，就好似你而家都唔覺得自己俾人洗左腦一樣。既然你生來就係搵呢ｄ錢，咁你就繼續搵，我亦唔期望你會醒。
　　最終講咁多，都係多餘。
　　所以做人，「有果句講果句」，往往只是多此一舉。何必費神傷感？